കോഴിക്കോടൻ വറുത്തകായ (Kozhikkodan Chips)

ആവശ്യമായ സാധനങ്ങൾ :

നേന്ത്രക്കായ (കൂടുതൽ മൂപ്പി ല്ലാത്തത്  )-4 എണ്ണം 

മഞ്ഞൾപൊടി -1/2 ടീ സ്പൂണ്‍ 

ഉപ്പ് -1/2 ടീ സ്പൂണ്‍  ഒരു കപ്പ്   വെള്ളത്തിൽ  കലക്കിയത് 

വെളിച്ചെണ്ണ -പാകത്തിന് 

പാചകം:

1.ഒരു പാത്രത്തിൽ  കുറച്ചു വെള്ളമെടുത്ത്‌  അതിൽ  മഞ്ഞൾ പൊടി  കലക്കിവേയ്ക്കുക.

2.നേന്ത്രക്കായ  തൊലി കളഞ്ഞ് മഞ്ഞൾ  കലക്കിയ വെള്ളത്തിൽ 30 മിനുട്ട്  ഇട്ടു വെയ്ക്കുക .

3.കായ  നേർമ്മയായി  വട്ടത്തിൽ  അരിയുക ,അരിഞ്ഞത്  ഒരു പാത്രത്തിൽ ടിഷ്യു  പേപ്പർ  നിരത്തി അതിൽ ഇട്ടു വയ്ക്കുക .

4 അടി കട്ടിയുള്ള  ചീനച്ചട്ടിയിൽ  വെളിച്ചെ ണ്ണ  ഒഴിച്ച്  നന്നാ യി ചൂടാക്കുക .

5 എണ്ണ  തിളച്ചു തുടങ്ങിയാൽ  തീ കുറച്ചു  അരിഞ്ഞുവെച്ച  കായ അതിൽ ഇട്ട്  ഇടയ്ക്കിടെ  ഇളക്കികൊന്ടിരിയ്ക്കുക .

6 പകുതി  വേവ് ആയിക്കഴിയുമ്പോൾ കലക്കിവെച്ച  ഉപ്പു മേലെകുടയുക .

7. വീണ്ടും ഇളക്കികൊണ്ടിരിയ്ക്കുക  ഇടയ്ക്ക് എടുത്തു രുചിച്ചു നോക്കുക  നന്നായി കറുമുറു (ക്രിസ്പി ) ആയിക്കഴിഞ്ഞാൽ  എണ്ണയിൽ നിന്നും ഊറ്റിയെടുത്ത് ഒരു പാത്രത്തിൽ ടിഷ്യു  പേപ്പർ  നിരത്തി അതിൽ ഇട്ടു വെയ്ക്കുക .ചെറു ചൂടോടെ  ഉപയോഗിയ്ക്കുക.

ശ്രദ്ധിയ്ക്കുക : കൂടുതൽ  മൂക്കാത്ത ഒരു ഇടത്തരം മൂപ്പുള്ള  കായയാണ്‌ എടുക്കേണ്ടത് .